Rusiyanın bir bölgəsində Qırmızı Kitaba düşən nadir göbələk tapılıb.
SİA xəbər verir ki, bu barədə Gismeteo portalı məlumat yayıb.
Tver vilayətinin sakini Semyon Şişkov Kalininski rayonunda meşədə gəzərkən qeyri-adi göbələk – Sarcosoma spheroides aşkar edib.
Kişinin dediyinə görə, o, meşəyə ilk gedişi zamanı göbələyi dərhal görüb.
Qeyd olunur ki, qeyri-adi formasına görə göbələk “cadugər qazanı” adlanır.
“Yadplanetli” göbələk Rusiya və Avropanın Qırmızı Kitablarına daxil edilmişdir və meşələrdə olduqca nadirdir. Ancaq nadir olduğuna görə göbələk toplamaq qəti qadağandır.
Materiala görə, sarkosoma zəhərli sayılmasa da, onu yeməli də adlandırmaq olmaz. Bununla belə, xalq təbabətində ondan həlim hazırlamaq üçün istifadə olunur və kosmetologiyada kollagen istehsalını stimullaşdırmaq və dərinin gəncliyini uzatmaq qabiliyyətinə görə qiymətləndirilir.
Bundan əvvəl Ryazan vilayətinin Spasski rayonunda qeyri-adi parlaq qırmızı göbələk də tapılmışdı ki, onun da Sarkoskifa olduğu ortaya çıxdı. Göbələk toplayanlar qırmızı tapıntının fotoşəkillərini sosial şəbəkələrdə yerli ictimai səhifələrdə dərc ediblər.
Əli Babayev
